Stocks

Investing

4 min read

Stocks

Ano ba talaga ang stocks?

Investing

4 min read

Stocks

Ano ba talaga ang stocks?

Stocks

Ano yun?

Maraming kumpanya ay pag-aari ng hindi lang isa o dalawang tao. Madalas, sila ay pag-aari ng maraming tao.

Ang mga may-aring ito ay hati-hati sa kita at puhunan ng kanilang kumpanya. Ang tawag sa mga “hati” o share ng kumpanya nila ay stocks.

Paano naman gamitin ang stocks?

Kapag nag-invest o bumili ka ng stocks ng isang kumpanya, isa ka nang shareholder o part-owner ng kumpanyang iyon.

Ang pagbili at pagbenta ng stocks ay nangyayari sa stock market. Sa Pilipinas, ang Philippine Stock Exchange (PSE) ang namamahala sa pagbili at pagbenta ng stocks.

Ok, ok, so paano naman kumita sa stocks?

May dalawang paraan para kumita sa stocks.

Stock price appreciation
Dividends

Stock price appreciation?

Over time, nagbabago ang presyo ng stocks. Kapag tumaas ito dahil sa magandang performance o dahil sa maraming gusto bumili ng shares, masasabi nating nag-appreciate ang presyo ng stock.

Maaari kang tumubo o magka-profit kapag ibinenta mo sa mas mataas na halaga ang stock na binili mo noon. Ang disadvantage dito ay kailangan mong ibenta ang shares mo para magkaroon ng profit.

Dividends?

Mayroong regular na profits ang isang kumpanya at bilang shareholder, mayroon kang hati sa profit na ito. Ang tawag sa hati ng profit ay dividend.

Ang dividends ay regular na ibinabahagi ng mga kumpanya sa kanilang shareholders. Ito ay maaaring cash o karagdagang shares ng kumpanya.

Hindi lahat ng kumpanya ay nagbabahagi ng dividends.

Paano ba tumataas at bumababa ang presyo ng stocks?

Performance ng kumpanya

Pangunahing factor sa stock price ay related sa kumpanya mismo.
Kapag may innovative products, good management decisions, at malaking revenue kada taon ang isang kumpanya, maaasahan mong tataas din ang presyo ng stock nito.
On the other hand, maaaring bumaba ang presyo ng stock kapag bumaba ang quality ng products, nagkaroon ng pagbabago sa management, o may hinaharap na legal challenges ang kumpanya.
Ilang halimbawa lamang ang mga ito. Marami pang ibang internal factors na maaaring makaapekto sa presyo ng stocks ng isang kumpanya.

External factors

Naaapektuhan din ng external factors ang presyo ng isang stock. Ang mga factors na ito ay hindi kontrolado ng kumpanya.
Ilang halimbawa ng external factors ay ang takbo ng economy ng bansa, inflation rates, unemployment, at pati na rin mga sakuna tulad ng bagyo.

Ano pa ang kailangan kong malaman tungkol sa stocks?

Bago mag-invest, mahalagang intindihin ang ilang key concepts tungkol sa pagbili at pagbenta ng stocks.

Long-term ang investment sa stocks

Araw-araw, minu-minuto nagbabago ang presyo ng stocks. Maraming factors ang nagdidikta ng pagtaas o pagbaba ng stock prices.

Ang good news ay kadalasang tumataas ang value ng stock sa loob ng maraming taon. Kaya don't worry kung bagsak ang stock mo ngayon dahil maaaring tumataas naman ito sa long-term.

May rewards at mayroon ding risks

Malaki ang potential mong kumita pagdating sa stocks pero importanteng tandaan na meron din itong kasamang risks.

Paminsan-minsan ay may losses kang makikita sa iyong stock portfolio. Pwedeng ito ay dahil sa takbo ng ekonomiya o dahil sa poor performance ng kumpanya. Parte ng pag-i-invest sa stocks ang posibilidad na magkaroon ng losses.

Ang best advice ng mga experts? I-invest lang ang perang hindi mo kakailanganin o gagamitin agad.

I-diversify ang iyong stock portfolio

Kaya mong i-lessen ang risks sa stocks mo by investing sa iba't ibang kumpanya at iba't ibang industriya. Ang strategy na ito ay tinatawag na diversification.

Kapag diverse ang iyong portfolio, may potential na minimized ang losses mo kung sakaling magkaroon ng crisis sa isang sector ng market o sa isang kumpanya.

Ayos! Pwede na ba akong magsimula mag-invest sa stocks?

Pwedeng-pwede! Maraming benefits kapag nag-invest sa stock market. Madali din itong simulan.

I-explore ang stock market at ang mga kumpanya at industriya na available sa iyo sa GStocks PH!

Stocks

Stocks

Go to GStocks PH